مسار التقديم للجامعات الأمريكية

التفاصيل كتختلف بين undergraduate وgraduate وبين مؤسسة وأخرى، ولكن هاد العناصر متكررة.

المواعيد كتحددها المؤسسات وكتختلف حسب الفصل الدراسي والبرنامج. القاعدة العملية: ابدأ التحضير بوقت كافٍ باش يبقى ليك مجال للمعادلة، للاختبارات إذا كانت مطلوبة، وللمقابلة القنصلية بعد I-20.

ما كنعطيوش تواريخ عامة لأنها كتضلّل — راجع تقويم كل مؤسسة.

بزاف من المؤسسات كتطلب تقييماً لشهاداتك الأجنبية من هيئة مستقلة. الهيئة المقبولة ونوع التقرير (عام أو تفصيلي بالمواد) كتحددهم المؤسسة.

ما تخلّصش لأي هيئة قبل ما تتأكد أنها مقبولة عند المؤسسات اللي غادي تقدّم ليها.

بيان الغرض ماشي سيرة ذاتية مطوّلة: هو جواب على «علاش هاد البرنامج، علاش هاد المؤسسة، وعلاش دابا». الملفات القوية كتربط بين مسارك السابق وخطتك القادمة بشكل منطقي.

النصوص المكتوبة من طرف وسيط أو المنسوخة كتبان بسرعة، وكتضرّ بملفك وبمصداقيتك حتى فالمقابلة القنصلية.

رسالة القبول ماشي هي I-20. باش تصدر المؤسسة I-20، غالباً كتطلب: تأكيد نيتك بالالتحاق، وثائق مالية كتغطي التكلفة المحدّدة عندها، ونسخة من الباسبور.

من هنا كتبدا مرحلة التأشيرة: رسم I-901 ثم DS-160 ثم المقابلة.